මහනුවර පරිපාලන දිස්ත්‍රික්කයට හෙට (මාර්තු 06) උදෑසන 6 වන තෙක් පොලිස් ඇඳිරි නීතිය පනවා ඇති බව පොලිස් මාධ්‍ය ප්‍රකාශකවරයා පැවසීය.
පහරදීමකට ලක්වූ පුද්ගලයෙකු මියයාමෙන් අනතුරුව තෙල්දෙණියේ හටගත් සිදුවීම්වලින් අනතුරුව මහනුවර දිස්ත්‍රික්කයේ ඇතැම් තැන්වල මතුවූ නොසන්සුන් තත්ත්වය සැලකිල්ලට ගනිමින් එම දිස්ත්‍රික්කයේ පොලිස් ඇඳිරි නීතිය ක්‍රියාත්මක කිරීමට පියවර ගෙන තිබේ.
මීට පෙර පොලිසිය පවසා තිබුනේ පුද්ගලික ආරවුලක් මත හටගත් ගැටුමකින් පුද්ගලයකු මිය යාමේ සිද්ධියකට ජාතිවාදී මුහුණුවරක් දීමේ උත්සාහයක් හේතුවෙන් මහනුවර තෙල්දෙණිය ප්‍රදේශයට දැඩි පොලිස් ආරක්ෂාවක් දී ඇති බවය.
රථවාහන සම්බන්ධ ගැටලුවක් මුල්කොට ගනිමින් පසුගිය සතියේ දෙපිරිසක් අතර ඇති වූ ගැටුමකදී තුවාල ලැබූ පුද්ගලයෙකු මහනුවර රෝහලේ ප්‍රතිකාර ගනිමින් සිටියදී සෙනසුරාදා (මාර්තු 03) මිය යාමත් සමග ප්‍රදේශයේ නොසන්සුන්කාරී තත්ත්වයක් හටගත්තේය.
අදාළ පුද්ගලයා ඝාතනය කිරීමට සම්බන්ධ බවට සැකකරන තරුණයක් 4 දෙනෙකු පොලිසිය විසින් අත්අඩංගුවට ගනු ලැබ බන්ධනාගාර ගතකර තිබේ.
කෙසේ වෙතත් මෙම සිද්ධියට ජාතිවාදී මුහුණුවරක් ලබාදීමට ඇතැම් පිරිස් ගත් උත්සාහයෙන් හේතුවෙන් ඉරිදා (මාර්තු 04) දිනයේ සිද්ධීන් කිහිපයක් වාර්තා වී තිබෙන බව බීබීසි සිංහල සේවයට අදහස් දැක්වූ මහනුවර ප්‍රදේශයේ උසස් පොලිස් නිලධාරියෙක් පැවසීය.
එම නොසන්සුතාව හේතුවෙන් වෙළෙඳසල් කිහිපයකට පහරදීමේ සිදුවීම් වාර්තා වී තිබෙන අතර, ප්‍රදේශවාසියෙක් බීබීසියට පැවසුවේ එක් වෙළඳසලක් සම්පූර්ණයෙන්ම ගිනිබත් වී තිබෙන බවය.
එම පහරදීම්වලට සම්බන්ධ යයි සැකකරෙන පුද්ගලයන් 24 දෙනෙකු පොලීසිය ඉරිදා රාත්‍රියේ අත්අඩංගුවට ගෙන තිබේ.
පහරදීමෙන් මිය ගිය පුද්ගලයාගේ අවසන් කටයුතු සඳුදා සිදුකිරීමට නියමිත අතර තෙල්දෙණිය නගරයේ කඩසාප්පු සියල්ලම පාහේ වසා දමා තිබෙන බව ද ප්‍රදේශයේ වාර්තාකරුවෝ පවසති.
ප්‍රදේශයේ ආගමික ස්ථානවලට ද විශේෂ පොලිස් ආරක්ෂාවක් ලබා දී තිබෙන බවත් වාර්තා වේ.
http://www.bbc.com/sinhala/sri-lanka-43285985
අම්පාර සිද්ධිය අදිසි හස්තයක් මත ක්‍රියාත්මක වූයේ දැයි සෙවීමට පරික්ෂණයක් - ඇමැති රාජිත කියයි
සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා මේ බව පැවැසුවේ දෙමළ රූපවාහිනී නාලිකාවක් සමග පසුගියදා පැවැති සම්මුඛ සාකච්ඡාවක දීය.
එම සාකච්ඡාවට එක්වෙමින් වැඩිදුරටත් අදහස් දැක් වූ සෞඛ්‍ය අමාත්‍යවරයා - වාර්ගිකත්වය පදනම් කර ගනිමින් සිදු කරන ප්‍රචණ්ඩ ක්‍රියාවලට සම්බන්ධ වූවන් දැනට පවතින අණපනත් වලට අනුව අත්අඩංගුවට ගෙන නීතිය ක්‍රියාත්මක කළ යුතුයි. වත්මන් රජය ජාතිවාදයට සහ ආගම් වාදයට විරුද්ධයි.
රජය ජාතිවාය හා ආගම්වාදය පතුරන අයට විරුද්ධව ක්‍රියාකිරීමට නීති රීති ඉදිරිපත් කළා. එම නීති ක්‍රියාත්මක කළ යුතුයි. ලබාදි ඇති සාමය භුක්තිවිදීමට නොදන්න අයට දඩුවම් ලබා දිය යුතුයි.
අම්පාර නගරයේ සිදු වූ සිද්ධිය සම්බන්ධනේ දැඩි ක්‍රියාමාර්ග ගත යුතුයි. පොලීසිය මන්දගාමිව කටයුතු කිරිම පිළිබදව ප්‍රශ්න තිබෙනවා. මෙය අමූලික බොරු සිද්ධියක්. වදපෙති කියා ඖෂධයක් ශ්‍රී ලංකාවේ පවතින වෛද්‍ය ක්ෂේත්‍රයේ නැහැ. ශ්‍රී ලංකාවේ සාක්ෂරතාවය වැඩි දියුණු වී තිබුන ද මෙවැනි කරුණු පිළිබදව ඇත්තේ මන්ද බුද්ධික බවකි. සුළු සිද්ධියක් මුල්කර ගෙන රටවල් ගිනි තැබීමට හදනවා. මේ සිද්ධිය සම්බන්ධයෙන් දැඩි ක්‍රියාමාර්ග ගන්නා ලෙස මම අග්‍රාමාත්‍යවරයාගෙන් ඉල්ලා සිටියා. අග්‍රාමාත්‍යවරයා මට පොරොන්දු වුනා අපක්ෂපාති පරීක්ෂණයක් පවත්වනවා කියලා.
අම්පාර සිද්ධිය අදිසි හස්තයක් මත ක්‍රියාත්මක වී ඇත් ද පිළිබදව පරීක්ෂණ පවත්වනවා. පසුගිය රජයේ ප්‍රධානියෙකුගේ චෝදනා ලැබූ පුද්ගලයෙකු සිද්ධිය සිදු වූ දින කිහිපය පුරා අම්පාර ප්‍රදේශයේ පොලිස් නිලධාරීන් සමග සුහද හමු පැවැත්වීමේ සිද්ධි කිහිපයක තොරතුරු ද වාර්තා වි තිබෙනවා. වද පෙත්ත මුවාවෙන් එම පුද්ගලයා ජාතිවාදය පැතිරවීමේ උත්සාහයක් ක්‍රියාත්මක කර ඇත්දැයි පරීක්ෂණ පවත්වනවා. කෙසේ වෙතත් ලබා දී ඇති නිදහස අයුතු ලෙස ප්‍රයෝජනයට ගැනීමට ඇතැම් අය පෙළඹී සිටිනවා. බණ්ඩාරනායක මහතා ද නිදහස ලබාදුන් පසු ඇතැම් අය කථානායක පුටුවෙත් වාඩිවෙන්න උත්සාහ කළා. ලැබූ නිදහසින් බණ්ඩාරනායක මහතා ද ඝාතනය කෙරුනා.
http://www.gossiplankanews.com/2018/03/ampara-incident.html
Health Services Director General Dr. Anil Jasinghe said no tablet had been invented in the western medicine which can cause infertility.
Prime Minister and Minister of Law and Order Ranil Wickremesinghe has ordered another inquiry into the recent clashes in Ampara, as the initial report already submitted by the police is said to be incomplete.