2014 ජූනි මස 30 11:30:37 | . , සනත් ගමගේ

අපේ රටේ මා දන්න විදියට චණ්ඩි දෙන්නයි සිටියේ. ඒ එක්කෙනෙක් ප්‍රභාකරන්. අනෙකා රෝහණ විජේවීර. ඊට වැඩිය චණ්ඩියෙක් මේ රටේ නැහැ. දැන් සිවුරක් දා ගත්ත චණ්ඩියෙක් එනවා, මට චණ්ඩිකම් කරන්න.ඒ චණ්ඩියෙක් නෙවෙයි. චන්ඩි කවුද කියා මම හොඳට දන්නවා. ප්‍රභාකරන් චන්ඩියත් මා මරන්න හැදුවා. මගේ ඇඟේ එක පැත්තක යකඩ කෑලි තියෙනවා. චන්ඩියා මැරුණා. මම ඉන්නවා. විජේවීර චණ්ඩියත් මා මරන්න හැදුවා. මගේ ඇඟේ තව පැත්තක යකඩ කෑලි තියනවා. විජේවීරත් මළා. මම ඉන්නවා.

ධීවර ඇමැති දොස්තර රජිත සේනාරත්න මහතා තංගල්ල කළමැටිය ධීවර වරාය සඳහා මුල්ගල තැබීමේන් පසු ජනහමුවක දී පැවසීය.

http://www.lankadeepa.lk/index.php/articles/246334

June 29, 2014 at 3:50 pm | lanka C news

රට තුල ජාතිවාදී හා ආගම්වාදී ගැටුම් අවුලන භික්ෂූන් වහන්සේලාට ඒ ඒ නිකායන්වලට අයත් මහානායක හිමිවරු විසින් විනය ක‍්‍රියාමාර්ග ගත යුතුයයි ඇමති තිස්ස විතාරණ මහතා පවසයි.

මෙලෙස හැසිරෙන භික්ෂූන් වහන්සේලාට නීතියෙන් දඩුවම් දියයුතු බව වාමංශික දේශපාලන පක්ෂ  එකමුතුවෙන්  සැදුම්ලත් සමාජවාදී ජනතා පෙරමුණ ජනාධිපති මහින්ද රාජපක්ෂ මහතාගෙන් ඉල්ලීමක් කළ බවද ඒ මහතා ප‍්‍රකාශ කළේය.

එක්සත් ජනතා නිදහස් සන්ධානයේ දේශපාලන පක්ෂ නායකයන් සමග ඉකුත් දා පැවති සාකච්ජාවකදී මේ බව ජනාධිපතිවරයාට අවධාරණය කළ බවද ඔහු කිය.

වසර තිහකට අධික කාලයක් යුද්ධයකින් පීඩා විදි ශ‍්‍රි ලාංකික ජනතාව නැවත එවැනි තත්ත්වයකට මුහුණ දීමට සූදානම් නැති අවත් ජාතිවාදය ඇවිස්සෙන පරිදි ක‍්‍රියා නොකිරීම ශ‍්‍රී ලාංකිකයන්ගේ වගකීමක් බවද හෙතෙම වැඩිදුරටත් පැවසීය.

http://lankacnews.com/sinhala/news/118221/

මතුගම - වසන්ත කුමාර

අලුත්ගම - බේරුවල දර්ගා නගරය සහ වැලිපැන්න ප්‍රදේශවල පසුගිය දිනවල ඇතිවූ ගැටුම්වලින් අලාභහානි සිදුවූ මුස්ලිම් ව්‍යාපාරිකයන්ට අයත් ආයතනවල සේවය කළ කාටත් මේ වනවිට රැකියාවක් නැතිව අසරණ තත්ත්වයට පත්ව සිටිනවා යැයි අලුත්ගම, බේරුවල, දර්ගා නගරය සහ වැලිපැන්න ප්‍රදේශවල සිංහල තරුණ පිරිස් හා අතරමැදි ව්‍යාපාරික සේවා සිදු කළ සිංහල ජනතාව කියති.


මේ ගැටුමෙන් හානියට පත් බොහෝ ව්‍යාපාරික ආයතන විශාල ප්‍රමාණයක් තවමත් විවෘත කර නැත. මේ නිසා මේවායේ සේවය කළ සහ සේවය සැපයූ අතර මැදි රැකියාකරුවෝ විශාල පිරිසක් අතරමංව ඇතැයි එම ප්‍රදේශවල සාමාන්‍ය සිංහල ජනතාව කියති.
හෝටල් ඇතුළු වෙනත් වෙළෙඳ ව්‍යාපාරික ස්ථානවල සේවය කළ පිරිස් සහ වැලිපැන්න ප්‍රදේශයේ පිහිටි ඇඟලුම් කර්මාන්ත ශාලාවක සේවක සේවිකාවෝ විශාල පිරිසක් මෙසේ අසරණ වී සිටිති. තමන්ට ජුනි මාසයේ සහ ඇතැම් පිරිස්වලට මැයි මස වැටුප් පවා අහිමිවී යැයි ඔවුහු කියති. තම ආයතනවලට සිදුවූ හානි පිළිබඳ සාධාරණයක් විය යුතු යැයි මුස්ලිම් ව්‍යාපාරිකයෝ කියති.

http://www.mawbima.lk/34-62067-news-detail.html