Friday, June 05, 2020
   
Text Size
Select a news topic from the list below, then select a news article to read.

තෙල්දෙණිය ගිනිතැබූ 24 ක් අත්අඩංගුවට

User Rating: / 1
PoorBest 

තෙල්දෙණිය ගිනිතැබූ 24 ක් අත්අඩංගුවට


(වාර්තා සැපයීම :   චමල් රූපසිංහ, ඉන්දිකා රාමනායක, ජේ.ඒ.එල්. ජයසිංහ සහ   ඒ.ජී. වික‍්‍රමසිංහ )

තෙල්දෙණිය මැද මහනුවර අම්බාලේ පදිංචිව සිටි 41 හැවිරිදි දෙදරු පියකු මැර ප‍්‍රහාරයකට ලක්වී මියයෑමේ සිද්ධිය මුල්කරගෙන තෙල්දෙණිය සහ අවට ප‍්‍රදේශ කීපයක ඇතිවූ නොසන්සුන් තත්ත්වය පාලනය කිරීම සඳහා මහනුවර පරිපාලන දිස්ත‍්‍රික්කයට බලපැවැත්වෙන පරිදි අද දහවල් සිට හෙට (6) පෙරවරු 6.00 දක්වා පොලිස් ඇඳිරි නීතිය පැනවූ බව පොලිස් මාධ්‍ය ප‍්‍රකාශක පොලිස් අධිකාරි රුවන් ගුණසේකර මහතා පැවැසීය.

මැරප‍්‍රහාරයට ලක්වූ පුද්ගලයා මිය යෑමේ සිද්ධියට විරෝධය දක්වමින් සංවිධානාත්මක පිරිසක් තෙල්දෙණිය මැද මහනුවර සහ දිගන ප‍්‍රදේශවල වෙළෙඳසැල්වලට පහර දෙමින් රථවාහන  ධාවනයට බාධා වන අයුරින් ගල්මුල් ප‍්‍රහාර එල්ලකරමින් සාමය කඩවන අයුරින් නොසන්සුන්කාරි ලෙස හැසිරුනු අතර ඔහුන් පාලනය කිරීම සඳහා පොලිසිය කඳුළු ගෑස් ප‍්‍රහාර එල්ලකර ඇඳිරි නීතිය පැනවූ බවද පොලිස් මාධ්‍ය ප‍්‍රකාශකවරයා පැවසීය.

පොලිස් මාධ්‍ය ප‍්‍රකාශක පොලිස් අධිකාරි රුවන් ගුණසේකර සිද්ධිය සම්බන්ධයෙන් වැඩිදුරටත් මෙසේ ද කීය.

‘ඉකුත් පෙබරවාරි මස 22 වැනිදා තෙල්දෙණිය නරගයේ දී ලොරි රථයක් ත‍්‍රිරෝද රථයක ගැටී ත‍්‍රිරොද රථයේ පැති කන්නාඩියක් බිඳීමේ සිද්ධියක් මුල්කරගෙන සිවු දෙනකුගෙන් සමන්විත පිරිසක් ලොරි රථයේ රියැදුරු වන අම්බාලේ පුවක්ගස් හන්දියේ පදිංචි 41 හැවිරිදි දෙදරු පියකු වන එච්.ජී. කුමාරසිංහ නමැත්තාට පහර දී තිබෙනවා. බරපතළ තුවාල ලැබූ කුමාරසිංහ නමැත්තා මහනුවර මහ රෝහලේ ප‍්‍රතිකාර ලබමින් සිටිය දී ඉකුත් 3 වැනිදා අලූයම මියගොස් තිබෙනවා.’

මේ පුද්ගලයාට පහර දුන් බව කියන සැකකරුවන් සිවුදෙනා පොලිසිය විසින් අත්අඩංගුවට ගෙනු ලැබ තෙල්දෙණිය මහේස්ත‍්‍රාත් අධිකරණයට ඉදිරිපත් කිරීමෙන් පසුව 7 වැනිදා තෙක් රිමාන්ඞ් බාරයට පත් කර ඇති බව ද පොලිස් මාධ්‍ය ප‍්‍රකාශකවරයා සඳහන් කළේය.

එම සැකකරුවන්ට එරෙහිව නීතිය ක‍්‍රියාත්මක කර තිබිය දී සංවිධානාත්මක පිරිසක් ඊයේ (4) රාත‍්‍රී 9.30ට පමණ තෙල්දෙණිය මොරගහමුල හන්දියේ වෙළෙඳසල් කීපයකට පහර දී එවාට ගිනි තබා තිබූ බැවින් අතිරේක පොලිස් කණ්ඩායම් එම ස්ථානයට ගොස් පිරිස විසුරුවා හැර වෙළෙඳසල්වලට පහර දුන් පුද්ගලයන් 24 දෙනකු එම ස්ථානයේදීම අත්අඩංගුවට ගත් බව ඔහු පැවසීය.

පොලිස් සහ විශේෂ කාර්ය බළකා කණ්ඩායම් කැඳවා තෙල්දෙණිය නගරයේ ආරක්ෂාව තර කළ බව ද පොලිස් මාධ්‍ය ප‍්‍රකාශකවරයා කීය.

මේ අතර අද පස්වරුවේ මියගිය පුද්ගලයාගේ අවසන් කටයුතු සිදුකිරීමට නියමිතව තිබිය දී පස්වරු 2.00ට පමණ සංවිධානාත්මක පිරිසක් දිගන ප‍්‍රදේශයේ වෙළෙඳසල් කීපයකට පහර දී නොසන්සුන්කාරී ලෙස හැසිරෙමින් සිටිය දී පොලිසිය ජල හා කඳුළු ගෑස් ප‍්‍රහාර එල්ලකර පිරිස විසුරුවා හැරිය බව ද පොලිස් මාධ්‍ය ප‍්‍රකාශකවරයා සඳහන් කළේය.

සංවිධානාත්මක පිරිස දිගන නගරයේ තැනින් තැන එක් රොක්වී නොසන්සුන්කාරී ලෙස හැසිරෙමින් සිටින බවත් ප‍්‍රදේශයේ සාමය ආරක්ෂා කිරීමට මහනුවර පරිපාලන දිස්ත‍්‍රික්කයට ඇදිරිනීතිය පැනවීමට සිදුවූ බවත් පොලිස් මාධ්‍ය ප‍්‍රකාශකවරයා වැඩිදුරටත් පැවසීය.

මේ අතර ඊයේ රාත‍්‍රියේ දිගන ප‍්‍රදේශයේ වෙළෙඳසල් කීපයකට පහර දෙමින් කලහකාරී ලෙස හැසිරෙමින් සිටිය දී අත්අඩංගුවට ගත් පුද්ගලයන් 24 දෙනා නිදහස් කරන ලෙස ඉල්ලා පිරිසක් අද දහවල් තෙල්දෙණිය පොලිසිය ඉදිරිපිටට රැුස්වී විරෝධතාවක යෙදී සිටි අතර, ඔවුන් මාර්ගයේ ටයර් පුළුස්සමින් පොලිසියට විරෝධය දක්වා නොසන්සුන්කාරී ලෙස හැසිරෙද්දී ජල ප‍්‍රහාර සහ කඳුළු ගෑස් ප‍්‍රහාර එල්ල කර විසුරුවා හැරිය බව පොලිසිය කියයි.

ලොරියේ රියැදුරුගේ මරණය පිළිබඳ විරෝධය පළ කරමින් දිගන, මැණික්හින්න, තෙල්දෙණිය, උඩිස්පත්තුව, මැදමහනුවර සහ කෙන්ගල්ල යන ප‍්‍රදේශවල කඩසාප්පු වසා සුදු කොඩි ඔසවා තිබිණි.

මහනුවර දිගන හරහා මහියංගනය මාර්ගයේ බස් ඇතුළු වාහන ගමනාගමනය ද අද දිනයේ ඇනහිට තිබිණි.

මියගිය පුද්ගලයාගේ සිරුර රැගෙන දිගන නගරයේ විරෝධතාවක නිරතවීමට පිරිසක් උත්සාහ ගෙන තිබූ අතර, ඒ බව සැලවීමත් සමග පොලිසිය ඒ පිළිබඳව තෙල්දෙණිය අධිකරණයට කරුණු වාර්තා කොට එම විරෝධතාව වළක්වමින් අධිකරණ නියෝගයක් ලබාගෙන තිබිණි. මේ අතර මියගිය තැනැත්තාගේ දේහය භූමදාන කිරීම ඔහුගේ පවුලේ සාමාජිකයන්ගේ සහ ප‍්‍රදේශවාසීන්ගේ සහභාගිත්වයෙන් පොලිස් ආරක්ෂාව මධ්‍යයේ අද පස්වරු 3.00 ට පමණ අම්බාලේ සුසාන භූමියේ දී සිදු කෙරිණි.

කලහකාරී පිරිස එල්ල කළ ප‍්‍රහාරවලින් තෙල්දෙණිය දිගන, උඩිස්පත්තුව, මොරගහමුල ආදී ප‍්‍රදේශවල කඩසාප්පු කීපයකට අලාභහානි සිදුවී තිබූ අතර, තුවාල ලැබූ පුද්ගලයන් කීපදෙනකු රෝහල් ගත කර ඇති බවත් පොලිසිය කියයි.

නොසන්සුන්කාරී ලෙස හැසිරෙමින් දේපළවලට පහරදුන් පුද්ගලයන් සියලූ දෙනා අත්අඩංගුවට ගෙන ඔවුන්ට එරෙහිව නීතිය ක‍්‍රියාත්මක කරන බව පොලිසිය කියයි. තෙල්දෙණිය සහ දිගන ඇතුළු ප‍්‍රදේශයේ ආරක්ෂාවට අද සවස් වනවිට පොලිසියේ විශේෂකාර්ය බළකායේ සහ යුද හමුදාවේ 500කට අධික පිරිසක් යොදවා තිබිණි.

 

 

http://www.lankadeepa.lk/top_story/%E0%B6%AD%E0%B7%99%E0%B6%BD%E0%B7%8A%E0%B6%AF%E0%B7%99%E0%B6%AB%E0%B7%92%E0%B6%BA-%E0%B6%9C%E0%B7%92%E0%B6%B1%E0%B7%92%E0%B6%AD%E0%B7%90%E0%B6%B6%E0%B7%96-24-%E0%B6%9A%E0%B7%8A-%E0%B6%85%E0%B6%AD%E0%B7%8A%E0%B6%85%E0%B6%A9%E0%B6%82%E0%B6%9C%E0%B7%94%E0%B7%80%E0%B6%A7/10-525145

 

Tense situ in Teldeniya over death of assault victim

User Rating: / 1
PoorBest 

A tense situation was reported today in Teldeniya after a death of a 41-year-old man due to an attack by a group of people who had come in a three-wheeler.

The man who was receiving treatment at the Kandy Teaching Hospital for a week had succumbed to his injuries last Saturday.

The victim, M.G. Kumarasinghe, a resident of Ambala in Medamahanuwara had been attacked by a group of people in Teldeniya Town over an incident involving two vehicles.

The assailants who were residents of Ambagahalanda, Digana were arrested by the police and a three-wheeler was taken into custody.

It was reported that the people in Digana, Teldeniya, Udispattuwa and Medamahanuwara had launched a Hartal in protest of the attack.

Angry crowds had set two shops on fire in Moragahamula and police and STF teams had been deployed in the area to bring the situation under control.

Twenty-four people who had resorted to violence had been arrested by the Teldeniya police. (J.A.L. Jayasinghe)

 

https://youtu.be/nJZW-ZkUdFo

 

Video by Chamil Rupasinghe

 

http://www.dailymirror.lk/article/Tense-situ-in-Teldeniya-over-death-of-assault-victim-146768.html

 

Tense situ in Teldeniya over death of assault victim

User Rating: / 1
PoorBest 

A tense situation was reported today in Teldeniya after a death of a 41-year-old man due to an attack by a group of people who had come in a three-wheeler.

The man who was receiving treatment at the Kandy Teaching Hospital for a week had succumbed to his injuries last Saturday.

The victim, M.G. Kumarasinghe, a resident of Ambala in Medamahanuwara had been attacked by a group of people in Teldeniya Town over an incident involving two vehicles.

The assailants who were residents of Ambagahalanda, Digana were arrested by the police and a three-wheeler was taken into custody.

It was reported that the people in Digana, Teldeniya, Udispattuwa and Medamahanuwara had launched a Hartal in protest of the attack.

Angry crowds had set two shops on fire in Moragahamula and police and STF teams had been deployed in the area to bring the situation under control.

Twenty-four people who had resorted to violence had been arrested by the Teldeniya police. (J.A.L. Jayasinghe)

 

https://youtu.be/nJZW-ZkUdFo

 

Video by Chamil Rupasinghe

 

http://www.dailymirror.lk/article/Tense-situ-in-Teldeniya-over-death-of-assault-victim-146768.html

   

මනුෂ්‍ය ඝාතනයක් සහ කලහයක් මුල්කොට නුවරට ‍ඇදිරිනීති

User Rating: / 1
PoorBest 

මනුෂ්‍ය ඝාතනයක් සහ කලහයක් මුල්කොට නුවරට ‍ඇදිරිනීතිය

මැද මහනුවර ප්‍රදේශයේ පුද්ගල ඝාතනයක් මුල්කොට ගත් කලහකාරී සිදුවීම් කිහිපයකින් පසු මහනුවර පරිපාලන දිස්ත්‍රික්කය සඳහා හෙට පෙරවරු 06.00 දක්වා පොලිස් ඇදිරිනීතිය පනවා තිබේ.

මැදමහනුවර අම්බාලේ පදිංචි දෙදරු පියෙකුට පොලු වලින් පහරදී ඝාතනය කිරීමේ සිද්ධියකට විරෝධය පළ කරමින් ගම්මාන කිහිපයක පදිංචිකරුවන් විශාල ප්‍රමාණයක් අද (05) මහනුවර මහියංගණය මාර්ගය තෙල්දෙණිය නගරයෙන් අවහිර කොට විරෝධය පළ කළහ.

වෘත්තියෙන් ලොරි රථ රියදුරෙකුට ත්‍රිරෝද රථයකින් පැමිණි පිරිසක් තෙල්දෙණිය ප්‍රදේශයේදී පොලුවලින් හා පුටුවකින් පහරදී තිබේ. තුවාල ලත් රියදුරු හා රිය සහායකවරයා මහනුවර මහ රෝහලට ඇතුලත් කර ඇති අතර රියදුරු ඉකුත් 02 වන දින මරණයට පත්ව ඇත.

මෙලෙස මරණයට පත්ව ඇත්තේ එම්.ජී.කුමාරසිංහ නම් හතළිස් එක් හැවිරිදි දෙදරු පියෙකි. ඔහුගේ දේහය පිළිබද අවසන් කටයුතු ඊයේ (04) පස්වරුවේ සිදුකිරීමට නියමිතව තිබුණි.

ඔහුගේ මළ සිරුර අම්බාලේ ග්‍රාමයට රැගෙන යන අවස්ථාවේදී මරණයට විරෝධය පළ කරමින් ගම්වාසීන් තෙල්දෙණිය උඩිස්පත්තුව මාර්ගයේ උඩිස්පත්තුවට හැරෙන ස්ථානයේ සිට ඉකුත් 02 දා මධ්‍යම රාත්‍රීය දක්වා විරෝධය පළ කළහ. මේ හේතුවෙන් මහනුවර මහියංගණ මාර්ගය පැය දෙකක පමණ කාලයක් අවහිර වී තිබුණි.

මෙම අර්බුදය ජාතිවාදී ගැටුමක් කරා පත් නොකරන ලෙස ගම්වාසීන්ට දැනුම් දී තිබුණ නමුත් පොලීසිය නිසි ක්‍රියාත්මක වීමක් නොමැති වූ බව ගම්වාසීහු කීහ. මේ හේතුවෙන් මේ වන විට උඩිස්පත්තුව, මොරගහමුල වෙළද සැල් කිහිපයකට පහරදීම් සිදුව තිබේ. කෙන්ගල්ල ප්‍රදේශයේ වෙළද සැලක් වෙත පෙට්‍රල් බෝම්බයක් එල්ල කර ඇති නමුත් එය පුපුරා යාමක් සිදුවී නොමැති අතර කලහකාරී ලෙස හැසිරිම සම්බන්ධයෙන් පුද්ගලයන් 24 දෙනෙකු තෙල්දෙණිය පොලීසිය මගින් සැකපිට අත්අඩංගුවට ගෙන තිබේ.

ඝාතනය සම්බන්ධයෙන් සැකපිට පුද්ගලයන් තිදෙනෙකු තෙල්දෙණිය පොලීසිය  විසින් අත්අඩංගුවට ගෙන  රක්ෂිත බන්ධනාගාර ගත කොට ඇති අතර සිද්ධිය සමනය කිරීම සඳහා දහසක පමණ පොලීසිය හා පොලිස් විශේෂ කාර්යය බලකා නිලධාරීන් තෙල්දෙණිය හා ඒ අවට ස්ථාන රැසක ස්ථානගත කොට තිබුණි.




නදීක දයා බණ්ඩාර - මහනුවර

 

https://www.lakbima.lk/index.php/2016-04-26-11-35-55/9682-%E0%B6%B8%E0%B6%B1%E0%B7%94%E0%B7%82%E0%B7%8A%E2%80%8D%E0%B6%BA-%E0%B6%9D%E0%B7%8F%E0%B6%AD%E0%B6%B1%E0%B6%BA%E0%B6%9A%E0%B7%8A-%E0%B7%83%E0%B7%84-%E0%B6%9A%E0%B6%BD%E0%B7%84%E0%B6%BA%E0%B6%9A%E0%B7%8A-%E0%B6%B8%E0%B7%94%E0%B6%BD%E0%B7%8A%E0%B6%9A%E0%B7%9C%E0%B6%A7-%E0%B6%B1%E0%B7%94%E0%B7%80%E0%B6%BB%E0%B6%A7-%E2%80%8D%E0%B6%87%E0%B6%AF%E0%B7%92%E0%B6%BB%E0%B7%92%E0%B6%B1%E0%B7%93%E0%B6%AD%E0%B7%92%E0%B6%BA

 

ගෝඨා ජනපති කර මිස සටන අතහරින්නේ නෑ

User Rating: / 1
PoorBest 
වත්මන් ආණ්ඩුවට එරෙහි වී ඇති ජනතාව සමග එක්ව ගෝඨාභය රාජපක්ෂ ජනාධිපති කරමින මිසක් සටන අත්නොහරින බව රාවණා බලය සංවිධානයේ මහ ‍ලේකම් ඉත්තෑකන්දේ සද්ධාතිස්ස හිමියෝ සඳහන් කරති. තමන් වහන්සේ ඇතුළු මෙරටේ ප්‍රගතිශීලී භික්ෂුන් වහන්සේ පළාත් පාලන මැතිවරණයේදී ජනතාවගෙන් කළ ඉල්ලීමට අනුව වත්මන් රජයට එරෙහිව ඡන්දය පාවිච්චි කිරීමෙන් ලෝකයට ඔප්පුකර පෙන්වා දී ඇත්තේ ශ්‍රී ලංකාවේ ජනතාව මාතෘභූමියට ආදරය කරන බව යැයිද උන්වහන්සේ සඳහන් කළහ.
තලංගම සමෘද්ධි උත්සව ශාලාවේදී පැවැති රැස්වීමකදී සද්ධාතිස්ස හිමි මේ බව සඳහන්  කළහ.  නුගේගොඩ ආනන්ද සමරකෝන් ක්‍රීඩාංගණයේ පැවැත්වෙන ශ්‍රී ලංකා ‍පොදු ජන පෙරමුණේ ජයග්‍රාහී සැමරුම සඳහා සංවිධානය කර ඇති ජන රැළිය සාර්ථක කර ගැනීම සඳහා ගත යුතු ක්‍රියාමාර්ග සාකච්ඡා කිරීමට මෙම රැස්වීම සංවිධානය කර තිබුණි.
පළාත් පාලන මැතිවරණයේදී මේ රජය ප්‍රතික්‍ෂේප කරමින් ජනතාව දුන් තීන්දුව මේ දක්වා රජයට අවබෝධ වී නැති බැවින් 7දා ජන රැළිය ආණ්ඩුවේ ඔළුවට ‍පොල්ලෙන් ගහන ජන බලයක් කර ගත යුතු බවද උන්වහන්සේ කීහ. පාර්ලිමේන්තු මන්ත්‍රී බන්දුල ගුණවර්ධන, රෝහිත අබේගුණවර්ධන, අරුන්දික ප්‍රනාන්දු ඇතුළු පිරිසක්ද රැස්වීම ඇමැතූහ.
https://www.lakbima.lk/index.php/2016-04-26-11-35-55/9675-%E0%B6%9C%E0%B7%9D%E0%B6%A8%E0%B7%8F-%E0%B6%A2%E0%B6%B1%E0%B6%B4%E0%B6%AD%E0%B7%92-%E0%B6%9A%E0%B6%BB-%E0%B6%B8%E0%B7%92%E0%B7%83-%E0%B7%83%E0%B6%A7%E0%B6%B1-%E0%B6%85%E0%B6%AD%E0%B7%84%E0%B6%BB%E0%B7%92%E0%B6%B1%E0%B7%8A%E0%B6%B1%E0%B7%9A-%E0%B6%B1%E0%B7%91
   

Page 15 of 135

Login Form