(අංජුල මහික වීරරත්න)
කොලොන්නාව ජුම්මා මුස්ලිම් පල්ලිය, බෞද්ධ භික්ෂුන් වහන්සේ නමකගේ මාපියන් වෙනුවෙන් නිවසක් ඉදි කිරීමට අග්‍රාමාත්‍ය රනිල් වික්‍රමසිංහ මහතා ඉදිරියේ සේදවත්ත වෙහෙරගොඩ පුරාණ විහාරස්ථානයේදී මුදල් පරිත්‍යාගයක් කළේය.
කොලොන්නාව ජුම්මා පල්ලියේ අයි.වයි.එම්.අනීස් මෞලවි තුමන් විසින් පනාමුරේ විමල බුද්ධි හිමියන්ගේ මාපියන්ගේ නිවස ඉදි කිරීම වෙනුවෙන් මෙම මුදල් පරිත්‍යාගය කෙරිණි.
සේදවත්ත වෙහෙරගොඩ පුරාණ විහාරස්ථානයේ බෝධින්වහන්සේ වටා ඉදි කෙරුණු රන් වැට විවෘත කිරීම සහ අහිනව භික්ෂු නේවාසිකාගාරයට මුල් ගල තැබීමේ උත්සවය අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් සිදු කෙරුණු අවස්ථාවේදීමෙම පරිත්‍යාගය සිදු විය.
අග්‍රාමාත්‍ය රනිල් වික්‍රමසිංහ මහතා මෙහිදී අදහස් දක්වමින් පැවසුයේ යුද්ධය නිසා තම පරපුරේ අනාගතය නැති වුවද තවත් එවැනි යුද්ධයකින් අනාගත පරපුරේ හෙට දවස අහිමි කිරීමට ඉඩ නොදෙන බවයි.
සේදවත්ත පුරාණ විහාරාධිපති අඹන්වල ඥානාලෝක හිමියන්ගේ අනුශාසනා පරිදී මෙම පින්කම පැවැත්විණි.
ඡායාරූප :- ශාන්ත රත්නායක
http://www.lankadeepa.lk/latest_news/%E0%B6%B8%E0%B7%94%E0%B7%83%E0%B7%8A%E0%B6%BD%E0%B7%92%E0%B6%B8%E0%B7%8A-%E0%B6%B4%E0%B6%BD%E0%B7%8A%E0%B6%BD%E0%B7%92%E0%B6%BA%E0%B7%99%E0%B6%B1%E0%B7%8A--%E0%B6%B6%E0%B7%9E%E0%B6%AF%E0%B7%8A%E0%B6%B0-%E0%B7%84%E0%B7%92%E0%B6%B8%E0%B7%92%E0%B6%B1%E0%B6%B8%E0%B6%9A%E0%B6%9C%E0%B7%9A--%E0%B6%B8%E0%B7%8F%E0%B6%B4%E0%B7%92%E0%B6%BA%E0%B6%B1%E0%B7%8A%E0%B6%A7-%E0%B6%B1%E0%B7%92%E0%B7%80%E0%B7%83%E0%B6%9A%E0%B7%8A/1-525452
(බිඟුන් මේනක ගමගේ )
ඇතැම් වෙබ් අඩවිකරුවන් තම නම ඈඳා බොරු පුවත් නිර්මාණය කර පසුව මාසිකව වෙළෙඳ දැන්වීම් ඉල්ලමින් සමාදාන වීමේ සදාචාර විරෝධී මාධ්‍ය භාවිතයක නියැලෙමින් සිටින බව ශ්‍රී ලංකා නිදහස් පක්ෂ මහ ලේකම් හා කෘෂිකර්ම ඇමැති දුමින්ද දිසානායක මහතා පවසයි.
භාෂණයේ හා ප්‍රකාශනයේ නිදහසට මුවා වී මෙවැනි තක්කඩි වැඩ කිරීමට ඉඩ දිය නොහැකි බව කී හෙතෙම ආණ්ඩුව ඇති කළ මාධ්‍ය නිදහස අමු අමුවේ අවභාවිත කිරීම හෙළාදකින බව ද අවධාරණය කළේය.
සමාජ මාධ්‍ය ජාලා දිගින් දිගටම අවහිර කිරීමේ සූදානමක් රජයට නැති බවත් ජාතිවාදය අවුලවාලීමේ උපකරණයක් ලෙස එය භාවිත කරන්නන්ට එරෙහිව ඉදිරියේදී තදින්ම නීතිය ක්‍රියාත්මක කරන බවත් මහලේකම්වරයා පැවැසීය.
එක් පුද්ගලයකුගේ ප්‍රකාශනයේ හිමිකම වෙනුවෙන් වල් බූරු නිදහසකට ඉඩ දී දෙකෝටියකට අධික රටවැසියන්ගේ මූලික මානව අයිතිවාසිකම් අනතුරේ හෙලීමට රජයකට ඉඩ දිය නොහැකි බවද විශේෂ සම්මුඛ සාකච්ඡාවකට එක්වෙමින් ඇමැති දුමින්ද දිසානායක මහතා පැවැසීය.
http://www.lankadeepa.lk/latest_news/%E0%B6%B7%E0%B7%8F%E0%B7%82%E0%B6%AB%E0%B6%BA%E0%B7%9A-%E0%B6%B1%E0%B7%92%E0%B6%AF%E0%B7%84%E0%B7%83%E0%B6%A7-%E0%B6%B8%E0%B7%94%E0%B7%80%E0%B7%8F%E0%B7%80%E0%B7%93-%E0%B6%AD%E0%B6%9A%E0%B7%8A%E0%B6%9A%E0%B6%A9%E0%B7%92-%E0%B7%80%E0%B7%90%E0%B6%A9-%E0%B6%9A%E0%B6%BB%E0%B6%BD%E0%B7%8F---%E0%B6%87%E0%B6%B8%E0%B6%AD%E0%B7%92-%E0%B6%AF%E0%B7%94%E0%B6%B8%E0%B7%92%E0%B6%B1%E0%B7%8A%E0%B6%AF/1-525459