Friday, 09 March 2018 18:24
ඊයේ උදේ මහනුවර ප්රදේශයෙන් අත්අඩංගුවට ගත් ජාතින් අතර වෛරය පැතිරීමට සමාජ මාධ්ය භාවිත කළ දස දෙනාට අමතරව ඔවුන්ට සම්බන්ධ බවට සැකකරන තවත් පුද්ගලයෙකු ඊයේ රාත්රි කාලයේදී හෝමාගම
ප්රදේශයේදී අත්අඩංගුවට ගන්නට හැකිවූ බව
පොලිසිය වාර්තා කරයි.
මහනුවර ප්රදේශ කිහිපයක ඇතිවූ කලහකාරී තත්ත්වයට සෘජුවම බලපෑම් කළ බව කියන ‘මහසෝන් බලකාය‘ යන නමින් යුත් සංවිධානය හා ආශ්රිත සිංහලේ ෆේස් බුක් පිටු පවත්වාගෙන ගිය ප්රබල සාමාජිකයෙකු වන ඔහුවද අනෙක් 10 දෙනා සමග වැඩිදුර ප්රශ්න කිරීම සදහා අද කොළඹට ගෙන එන ලද බව වාර්තා විය.
ජාතීන් අතර ගැටුම් නිර්මාණය කිරීම අරමුණු කර ගනිමින් විවිධ ප්රචාර සිදුකරන, නොමඟ යැවීම සිදුකරන ඕනෑම පුද්ගලයෙක් අත්අඩංගුවට ගැනීමට මේ වන විට රට පුරා මෙහෙයුම් ක්රියාත්මක බවද පොලිසිය දන්වා ඇත.
http://www.gossiplankanews.com/2018/03/face-book-homagama.html
Friday, 09 March 2018 18:23
මහනුවර අන්තරායකාරී පරිසරයක් නිර්මාණය කරන්නට ජාතික අසමගිය ඇති වන ප්රචාරයන් සමාජ මාධ්ය ඔස්සේ සිදු කරමින් සිටි පුද්ගයින් 10 දෙනෙකු ත්රස්ත විමර්ශන අංශය මගින් අත්අඩංගුවට ගෙන ඇති බව පොලිස් මාධ්ය ප්රකාශකවරයා අද සවස දැනුම් දුන්නේය.
එහි ප්රධාන සැකකරු විදානපතිරණගේ අමිත් ජීවන් වීරසිංහ සහ දෙවැනියා ලෙස හදුනාගත් නස්නාරං පට්ටියගේ සුරේද සුරවීර ද සිටින බව ඔහු සදහන් කළේය.
අමිත් ජීවන් වීරසිංහ යනු මින් ඉහත 2017 දෙසැම්බර් ගිංතොට මුස්ලිම් විරෝධි කලබලයක් ව්යාජ තොරතුරු ප්රචාරය කරමින් නිර්මාණය කරන්නට උත්සුකවීම නිසා
පොලිසිය සොයමින් සිටි සැකකරුවෙකි.
‘මහසෝන් බලකාය‘ නමැති කල්ලියක් ඔහු නිර්මාණය කර තිබුණ බවද පැවසුණ අතර නිරන්තරයෙන්ම සිය මුහුණින්ම ෆේස් බුක් වෙත සජීවීව එමින් අන්ය ජාතීන් හෙළා දකින අදහස් පැතිරීමට කතා පැවැත්වූ අයෙකි.
අමිත් ජීවන්ගේ සහායක ලෙස කටයුතු කරන නස්නාරං පට්ටියගේ සුරේද සුරවීර ‘සිංහලේ සුරේද‘ යන නමින් හදුන්වනු ලබන්නෙකු වන අතර ඔහුද ‘මහසෝන් බලකාය‘ ආරම්භක සාමාජිකයෙකු බවත් ඔහු විසින්ම තබන ලද සටහන් වලින් අනාවරණය වී තිබේ.
මේ දක්වා දිගන පූජාපිටිය ආශ්රිතව සිද්ධිවලට සම්බන්ධ සැකකරුවන් 81 දෙනෙකු අත්අඩංගුවට ගෙන ඇති බවද පොලිසිය සදහන් කරන ලදි.
මේ දක්වා මහනුවර සිදුවීම් 45 ක් වාර්තාවී තිබෙන බව දැන්වූ මාධ්ය ප්රකාශක සිදුවීම් වලින් දෙදෙනෙකු මියගොස් ඇති බවත් මුස්ලිම් කඩ සාප්පු 200 කට වැඩි ගණනක් විනාශ වී ඇති බවත් දන්වා සිටියේය.
මෙවැනි වැරදි සඳහා අත්අඩංගුවට පත් වූ පුද්ගලයින්ට ඇප ලබාගැනීමට වුවද ඉතා සුවිශේෂී වූ කරුණු ඉදිරිපත් කළ යුතු බවත් 2018 අංක 01 දරණ හදිසි අවස්ථා (විවිධ විධිවිධාන සහ බලතල) රෙගුලාසි යටතේ කටයුතු සිදු කරමින් පවතින බව ද මාධ්ය ප්රකාශකවරයා වැඩිදුරටත් පැවසීය.
අමිත් ජීවන් වීරසිංහ තමාගේ මුහුණද යොදමින් මුහුණු පොතේ පළ කර තිබෙන මතවාදී අදහස් කිහිපයක කොටස් පහතින්
කිහිපයක කොටස් පහතින්